Łukašenka prapanavaŭ, kab Papa Rymski i Patryjarch Maskoŭski sustrelisia ŭ Biełarusi
Kiraŭnik biełaruskaj dziaržavy Alaksandr Łukašenka prapanavaŭ pravieści ŭ Biełarusi sustreču Papy Rymskaha Bieniedykta XVI i Patryarcha Maskoŭskaha i ŭsioj Rusi Kiryła.
Pra heta, jak zajaviŭ žurnalistam prezident, išła havorka napiaredadni, padčas jaho sustrečy z pantyfikam.
"Litaralna papa rymski skazaŭ: mahčyma, Haspodź adčynić hetyja dźviery, i ŭ chutkim časie my sustreniemsia", — skazaŭ Łukašenka.Pavodle słoŭ prezidenta, jon raskazaŭ papu rymskamu pra svaju niadaŭniuju sustreču z patryjarcham Kiryłam.
"Ja jamu skazaŭ, što siońnia jość unikalny šanc zblizić pazicyi. Ja chacieŭ, kab kiraŭniki cerkvaŭ mahli sustrecca i abmierkavać prablemy. Kali takaja sustreča adbudziecca, to niachaj jana adbudziecca ŭ Biełarusi — nie tolki hieahrafičnym centry Jeŭropy, ale i tam, dzie schodziacca asnoŭnyja chryścijanskija relihii", — skazaŭ kiraŭnik biełaruskaj dziaržavy.
Pavodle słovaŭ kiraŭnika biełaruskaj dziaržavy, Papy Rymski znaje pra hetu ideju.
"Ja bačyŭ jaho zacikaŭlenaść, - adznačyŭ prezident, - i jon mnie skazaŭ: Hospad, mahčyma, adčynić hetyja dźviery, i my ŭ chutkim časie sustreniemsia ".
Jon zaznačyŭ, što na sustrečy z papam rymskim jany "abmierkavali mnohija prablemy, havaryli pra ŭzajemaadnosiny relihij". "My abmierkavali ŭzajemaadnosiny našych Pravasłaŭnaj i Katalickaj cerkvaŭ", — skazaŭ Łukašenka.
Raspaviadajučy pra hutarku ź Bieniedyktam XVI, Alaksandr Łukašenka zaznačyŭ, što byli abmierkavanyja pytańni ŭzajemaadnosinaŭ pravasłaŭnaj cerkvaŭ, a taksama stanovišča Biełarusi ŭ śviecie.
"Čas pralacieŭ imhnienna. Papa – cudoŭny, dobry i vielmi sumlenny čałaviek, ź jakim vielmi pryjemna hutaryć", - dadaŭ prezident.
Jon rasskazaŭ taksama Bieniedyktu XVI pra svaju sustreču z Patryjarcham Kiryłam, na što kiraŭnik Rymska-katalickaj carkvy zaŭvažyŭ, što heta jaho dobry siabra.-