U Lidzie ŭ kvatery znajšli cieły traich zahinułych
22 studzienia ŭ kvatery ŭ šmatpaviarchovym domie pa vulicy Kasmanaŭtaŭ u Lidzie vyjaŭlenyja try čałavieki biez prykmiet žyćcia, paviedamlaje S13.
Vyśvietliłasia, što dvuma hadzinami raniej mužčyna pryjšoŭ naviedać svajakoŭ. Dźviery byli začynienyja znutry i na stuk nichto nie reahavaŭ. Kali atrymałasia ŭvajści, u kalidory na padłozie znachodziŭsia 40-hadovy brat, u pakoi — 73-hadovy baćka i jaho 68-hadovaja znajomaja.
Ahniom paškodžany kanapa i kresła ŭ pakoi, zakurany ścieny i stol u kvatery. Najbolš imaviernaja pryčyna ŭźniknieńnia pažaru — nieaściarožnaść pry kureńni.