Znojdziena miesca katastrofy Airbus 330-203
Mierkavanaje miesca trahiedyi znachodzicca na adlehłaści ŭ 175 km ad archipiełaha San-Paułu-i-San-Piedru. Brazilskija i francuzskija vajskoŭcy vypravilisia na pošuki «čornych skryniaŭ».
Mierkavanaje miesca trahiedyi znachodzicca na adlehłaści ŭ 175 km ad archipiełaha San-Paułu-i-San-Piedru. Brazilskija i francuzskija vajskoŭcy vypravilisia na pošuki «čornych skryniaŭ».
Mietaličnyja abłomki i kresły, znojdzienyja ŭ Atłantyčnym akijanie VPS Brazilii ŭ aŭtorak, naležać źnikłamu ŭ noč na paniadziełak Airbus 330-203 avijakampanii «Air France», jaki vykonvaŭ rejs Rya-de-Žanejra-Paryž. Pra heta aficyjna paviedamiŭ ministr abarony Brazilii Nełsan Žobim. Abłomki samalotu byli znojdzienyja ŭ aŭtorak 2 červienia na adlehłaści ŭ 175 km ad archipiełaha San-Paułu-i-San-Piedru. Pa słovach vajskoŭcaŭ, jany drejfujuć «plamaj» dyjamietram amal 5 kiłamietraŭ.
Na miesca katastrofy nakiravalisia brazilskija i francuzskija vajskoŭcy. Jany buduć šukać «čornyja skryni» dy vyciahvać abłomki samalotu.
Śledstva razhladaje samyja roznyja pryčyny zdareńnia: ad pryrodnych, da pamyłki piłotaŭ i teraktu.
Tak, pavodle niekatorych źviestak, za niekalki dzion da katastrofy avijakampanija «Air France» atrymała ananimnaje papiaredžańnie pra zakładzienuju na adzin z samalotaŭ kampanii bombu.Toj rejs adkłali, ale bombu nie znajšli. Pierad katastrofaj ekipaž źnikłaha A330-203 sihnałaŭ biedstva nie pieradavaŭ, ale dyśpietčar avijakampanii zafiksavaŭ aŭtamatyčnaje paviedamleńnie rejsa AF 447 pra admovu praktyčna ŭsich sistem łajniera.
Nahadajem, što avijałajnier Airbus A330-203 avijakampanii «Air France» źnik nad Atłantykaj u noč na paniadziełak. Na jahonym borcie znachodzilisia pradstaŭniki 32 nacyj — usiaho 228 čałaviek, u tym liku siem dziaciej i adno niemaŭla.