Vik: Rasija budzie budavać AES u Biełarusi 25 hadoŭ
I tak i nie dabuduje, bo zaciahvańnie budoŭli budzie ŭ jaje intaresie. Miarkuje Hans-Hieorh Vik, niamiecki dypłamat, były kiraŭnik misii ABSIE ŭ Biełarusi. U Iranie jany budujuć AES ad 1984 hodu.
I tak i nie dabuduje, bo zaciahvańnie budoŭli budzie ŭ jaje intaresie. Miarkuje Hans-Hieorh Vik, niamiecki dypłamat, były kiraŭnik misii ABSIE ŭ Biełarusi. U Iranie jany budujuć AES ad 1984 hodu.
Hans‑Hieorh Vik, niamiecki dypłamat, były kiraŭnik misii ABSIE ŭ Biełarusi:
«U 1974 hodzie «Siemens» vyjhraŭ tender na pabudovu AES u Iranie — ja akurat tady byŭ pasłom Niamieččyny ŭ hetaj krainie — jany pačali budoŭlu i za čatyry hady stancyju amal zbudavali. Paśla Isłamskaj revalucy Chamiejni niamieckuju kampaniju vyhnaŭ. A ŭ 1984 hodzie znoŭ zaprasiŭ nazad. Niemcy abdumali — i admovilisia.
Tady Chamiejni zaprasiŭ budavać Saviecki Sajuz. SSSR pahadziŭsia. I dahetul buduje. I kanca toj budoŭli nie vidna. Tamu što heta ŭ ichnym intaresie — raściahnuć hetuju budoŭlu da biaskoncaści. Toje samaje budzie, kali Rasija pačnie budavać AES u Biełarusi».
Takoje mierkavańnie H‑H.Vik vykazaŭ u časie dyskusii «Prykmiety pieramienaŭ u Biełarusi: acenka apošnich padziejaŭ u Biełarusi i vakoł jaje», što adbyłosia 10 červienia pad ehidaj Niamieckaha Fondu Maršała ŭ Bierlinie.
Na dyskusii prysutničali dva dypłamaty ź biełaruskaha pasolstva ŭ Niamieččynie, ale jany nie brali słova.