Vyrašana prablema zavisańniaŭ Windows
U novaj viersii Windows budzie adsutničać prablemny kampanient, jaki vyklikaje zavisańnie sistemy. Pra heta paviedamlaje lenta.ru sa spasyłkaj na Windows Latest.
Microsoft
U papiarednich zborkach novaj viersii AS, jakaja atrymała kodavaje nazvu Sun Valley («Soniečnaja dalina») abo 21H2, zvykłaja Windows-karystalnikam panel zadač pazbavicca adkaznaha za jaje pracu kampanienta explorer.exe.
«Zvyčajna explorer.exe pracuje biez zbojaŭ, ale kali jon zavisaje, jon moža zrabić vaš pracoŭny stoł biessensoŭnym i taksama schavać panel zadač», — zaŭvažyli aŭtary. Prablema z zavisańniem kampanienta isnuje dziesiacihodździ va ŭsich viersijach AS ad Microsoft.
Kab vyrašyć prablemu zavisańnia z-za paneli zadač kampjutara, treba vyklikać dyśpietčar zadač i ŭručnuju vyklučyć explorer.exe. Taksama ŭ niekatorych vypadkach nieabchodna pierazahruzić PK.
U novaj iteracyi Windows panel zadač atrymaje vydzielenuju dla jaje pracy biblijateku taskbar.dll, što moža pavysić stabilnaść dadzienaj funkcyi apieracyjnaj sistemy. U papiaredniaj viersii AS byli vyjaŭlenyja spasyłki na taskbar.dll, što namiakaje na vydzialeńnie biblijateki ŭ jakaści asobnaha pracesu.