Viktar Šnip. Bałada Vasila Bykava
(19.06.1924—22.06.2003)
- Jon viarnuŭsia damoŭ, kab pamierci,
Jak spaznanyja słovy skazać,
Što niama i nie budzie nam śmierci
I nie treba pa im sumavać,
- Jak pa chmarach daždžy nie sumujuć,
A iduć, niby viečnaść, daždžy,
Za jakimi ŭsie dušy načujuć
Pokul my nie adčujem dušy
- U svaim ahrachoŭlenym ciele,
Što jak son, da jakoha iści
Pa darozie nie ŭsim zrazumiełaj,
Jak ahniu— pa apałym liści…
- Jon viarnuŭsia damoŭ, kab nie ŭmierci,
Jak viartajucca ŭ nieba daždžy,
Bo niama naradžeńnia i śmierci,
Jak Chrysta ŭžo niama na kryžy…