Biełaruś — Francyja 56:64
Unikalnuju mahčymaść vyjści ŭ finał čempijanatu Jeŭropy pa baskietbole siarod žančyn zbornaja Biełarusi ŭpuściła. Francyja pazmahajecca za zołata, nu a našy razyhrajuć treciaje miesca ź Ispanijaj.
Alena Leŭčanka ŭ atacy
Unikalnuju mahčymaść vyjści ŭ finał čempijanatu Jeŭropy pa baskietbole siarod žančyn zbornaja Biełarusi ŭpuściła. Francyja pazmahajecca za zołata, nu a našy razyhrajuć treciaje miesca ź Ispanijaj.
Pieršaja čverć paŭfinału Biełaruś — Francyja prajšła ŭ roŭnaj baraćbie. Niejki pieryjad našy navat vyjhravali z roźnicaj u piać punktaŭ. Dva trochačkovych zakinuła Natalla Marčanka, dobra ŭvajšła ŭ hulniu Alena Leŭčanka. Tym nie pierš startavy adrezak usio ž zastaŭsia za supiernicami — 18:20.
Na vialiki pierapynak sychodzili ź pieravahaj francužanak u šeść punktaŭ. Niepryjemna, ale nie katastrafična. Niejki stupar adbyŭsia ŭ treciaj čverci, kali francužankam i atrymałasia vyrvacca napierad až na trynaccaci punktaŭ.
Asabliva va ŭdary ŭ «trochkalarovych» byli Dumier, Mijom, Hruda, Jakubu. Taksama francužanki faktyčna nie falili, u toj čas jak biełaruski nachapali papiaredžańniaŭ.
Začapić supiernic u apošniaj čverci šancaŭ u našy amal nie było. Hulnia skončyłasia ź likam 56:64.Samymi vynikovymi ŭ składzie biełarusak byli: Alena Leŭčanka — 14 punktaŭ, Natalla Marčanka — 10, Kaciaryna Snycina — 9.
Matč za bronzu projdzie zaŭtra a 18:00. Supiernikam stanie zbornaja Ispanii, što prajhrała siońnia Rasii 61?77.
Rasija i Francyja zhulajuć u finale. Pačatak u 20:15.