Za minułyja vychadnyja ŭ Biełarusi ŭ DTZ zahinuli šeść čałaviek
U troch vypadkach byŭ učynieny najezd na piešachodaŭ.
Pavodle źviestak upraŭleńnia DAI MUS, z šaści vypadkaŭ u troch byŭ učynieny najezd na piešachodaŭ.
Tak, 21 červienia ŭ 22.00 u Dziaržynskim rajonie nieŭstanoŭlenym aŭtamabilem byŭ učynieny najezd na 37‑hadovaha žychara Minska. Ad atrymanych traŭmaŭ mužčyna pamior na miescy zdareńnia. U hety ž dzień u Małaryckim rajonie 51‑hadovy žychar Małaryty, kirujučy aŭtamabilem «HAZ», učyniŭ najezd na miascovuju žycharku‑piensijanierku, jakaja zahinuła.
Pablizu ad pasiołka Karma nočču 21 červienia 28‑hadovy vadziciel mikraaŭtobusa «Folksvahien» učyniŭ najezd na 37‑hadovaha mužčynu. Piešachod pamior, a vadziciel uciok ź miesca zdareńnia, adnak byŭ zatrymany supracoŭnikami milicyi.
Pavodle źviestak DAI, za piać miesiacaŭ hetaha hoda ź miesca 217 darožna‑transpartnych zdareńniaŭ vadzicieli ŭciakli.
U hetych zdareńniach zahinuli 49 čałaviek i 193 byli paranieny. Na dumku DAI, mnohija z zahinułych mahli b vyžyć u vypadku svoječasovaha akazańnia miedycynskaj dapamohi.
Usiaho 20 i 21 červienia ŭ Biełarusi adbyłosia 34 DTZ z paciarpiełymi. Ranieńni atrymali 38 čałaviek, u tym liku troje dziaciej.