Baranavickija milicyjanty prapuścili na stadyjon «terarysta»
+Fota
U ramkach admysłovych vučeńniaŭ mužčyna pranios na futbolny matč mulaž bomby, jaki nie zaŭvažyli milicyjanty.
U ramkach admysłovych vučeńniaŭ mužčyna pranios na futbolny matč mulaž bomby, jaki nie zaŭvažyli milicyjanty.
«Pravierku hatoŭnaści supracoŭnikaŭ pravaachoŭnych orhanaŭ zabiaśpiečyć achovu hramadskaha paradku i biaśpieki ludziej, što naviedali futbolny matč, Baranavicki HUUS nie prajšoŭ», — paviedamiŭ na pres-kanfierencyi 26 červienia načalnik UUS Bresckaha abłvykankama Viktar Kraśničenka.
Pa jaho słovach, padobnyja vučeńni adbylisia praktyčna va ŭsich haradach vobłaści, i tolki ŭ Baranavičach pravierka skončyłasia tym, što mulaž vybuchovaha prystasavańnia «prajšoŭ» praz kantrolna-prapuskny punkt niezaŭvažanym.
«Pra jakuju pilnaść i biaśpieku možna kazać u takim vypadku? — adznačyŭ Viktar Kraśničenka. — Jość zahad — praviarać sumki i pakiety tych, chto žadaje naviedać niejkaje masavaje mierapryjemstva, — vykonvajcie. Tolki ŭ hetym vypadku my zmožam ŭpeŭnicca, što ŭsio projdzie bieź niepryjemnych incydentaŭ».
Ciapier žycharam i haściam h. Baranavičy, jakija źbirajucca 27 červienia na futboł, a taksama na śviatočnyja hulańni z nahody śviatkavańnia Dnia moładzi 28 červienia i Dnia Niezaležnaści 3 lipienia, treba rychtavacca da bolš pilnaj pravierki rečaŭ.