MZS Litvy: Novy błok sankcyj ES suprać Minska płanujecca zaćvierdzić na nastupnym tydni
Pra heta ŭ čaćvier zajaviŭ žurnalistam kiraŭnik MZS Litvy Habryelus Łandśbierhis, piša TASS.
«Čaćviorty pakiet, ab nieabchodnaści pryniaćcia jakoha my niamała kazali raniej, budzie zaćvierdžany, chutčej za ŭsio, na nastupnym tydni na pasiadžeńni ŭ Luksiemburhu kiraŭnikoŭ MZS krain ES», — skazaŭ jon.
Hety pakiet uklučyć błakavańnie rachunkaŭ i zabaronu na ŭjezd kala 80 biełaruskim čynoŭnikam i siłavikam, a taksama zabaronić jeŭrapiejskamu biznesu kantakty ź siamiu jurydyčnymi asobami. Pajmienna sankcyjny śpis pakul nie abvieščany.
«Pakul heta zakrytaja infarmacyja», — adznačyŭ kiraŭnik litoŭskaha zamiežnapalityčnaha viedamstva.