Na Aŭtuchoviča viešajuć zamach na hrodzienskaha «hubiernatara»
Spravu Mikałaja Aŭtuchoviča i jahonych paplečnikaŭ pierakvalifikavali ŭ teraryzm. Nibyta jon z paplečnikami rychtavaŭ zamach na staršyniu Hrodzienskaha abłvykankamu Uładzimira Saŭčanku i namieśnika ministra pa padatkach i zborach Vasila Kamianko.
Spravu Mikałaja Aŭtuchoviča i jahonych paplečnikaŭ pierakvalifikavali ŭ teraryzm. Nibyta jon z paplečnikami rychtavaŭ zamach na staršyniu Hrodzienskaha abłvykankamu Uładzimira Saŭčanku i namieśnika ministra pa padatkach i zborach Vasila Kamianko.
Heta artykuł 359 Kryminalnaha kodeksu «Zamach na žyćcio dziaržaŭnaha ci hramadskaha dziejača, ździejśnienaje ŭ suviazi ź jaho dziaržaŭnaj ci hramadskaj dziejnaści z metaj destabilizacyi hramadskaha paradku, ci ŭździejańnie na pryniaćcie rašeńniaŭ dziaržaŭnymi orhanami, ci pieraškodzić palityčnaj ci inšaj hramadskaj dziejnaści, ci z pomsty za takuju dziejnaść». S
ankcyi pavodle artykułu ad dziesiaci da dvaccaci piaci hadoŭ pazbaŭleńnia voli, ci pažyćciovaje źniavoleńnie, ci śmiarotnaje pakarańnie.
Pravaabaronca Aleh Voŭčak kaža, što padobnyja mierkavańni vykazvaŭ jašče na treci dzień aryštu. «Našy prahnozy, što sprava z padpałami damoŭ padatkavaha inśpiektara Mandzika i milicyjanta Kacuby akazałasia tolki prykryćciom apraŭdalisia. Śledčym było praściej zatrymać Aŭtuchoviča mienavita pa hetym złačynstvam, a ŭžo potym pravodzić dziejańni ab hranatamiocie i teraryźmie», — kaža A.Voŭčak.
Sprava ŭ tym, što
31 kastryčnika 2005 hodu na terytoryi hrodzienskaj škoły‑liceju №1 byŭ znojdzieny hranatamiot i vybuchovaje prystasavańnie, jakoje nie spracavała.Tady ž pačali praviarać na datyčać pa padrychtoŭcy zamachu mnohich apazicyjanieraŭ z Hrodzienskaj vobłaści, u tym liku i Aŭtuchoviča.
«Heta čarhovyja fantazii pravaachoŭnikaŭ, — kaža A.Voŭčak. — Na toj momant
Mikałaj Aŭtuchovič užo dva tydni znachodziŭsia za kratami pa svajoj pieršaj kryminalnaj spravie, i nijak nie moh być da hetaha datyčnym.Sprava ŭ tym, što Aŭtuchovič tady abviaściŭ haładoŭku sa słovami, što ŭ majoj śmierci budzie vinien Uładzimir Saŭčanka, jaki inicyjavaŭ hety aryšt».
Pra toje, što spravu Aŭtuchoviča pierakvalifikavali ŭ teraryzm stała viadoma ad jašče adnaho aryštavanaha «afhanca» Kanstancina Ułanava, jakomu dazvolili patelefanavać žoncy.
Jašče 8 lutaha, u toj samy dzień, kali aryštoŭvali Mikałaja Aŭtuchoviča, Juryja Lavonava, Uładzimira Asipienku, byŭ taksama zatrymany Alaksandr Łaryn, jaki raniej pracavaŭ razam z astatnimi. Praz tydzień jaho adpuścili, ale potym znoŭ zatrymali. Paśla druhoha aryštu Łaryn daŭ pakazańni, jakija i havorać pra toje, što Aŭtuchovič rychtavaŭ zamach. Taksama ŭ pakazańniach Łaryna jość fraza, što byłyja «afhancy» rychtavali partyzanski ruch.
«Ja nie daviaraju hetym pakazańniami. Viedajecie, niadaŭna ja vyvučaju materyjały spravy svajho represavanaha za Stalinym dzieda. U tych pakazańniach vielmi šmat nienaturalnych, zavučanych frazaŭ. Toje samaje i ciapier z pakazańniami Łaryna», — kaža Aleh Voŭčak.
Bližejšym časam Aleh Voŭčak i Alaksandr Kamaroŭski ad imia abjadnańnia vieteranaŭ vajny ŭ Afhanistanie źbirajucca źviarnucca ŭ zachodnija krainy, a taksama Rasiju z prośbaj ab mižnarodnaj ekśpiertyzie pa spravie Aŭtuchoviča.
«Pakidać tak heta nielha. Novymi abvinavačvańniami ŭłady chočuć źbić mocnaje infarmacyjnaje pole pa hetaj spravie. Pierakanać jeŭrapiejcaŭ, što heta nijaki nie palitviazień, a zvyčajny teraryst», — padsumoŭvaje A.Voŭčak.
Cikava što sam Vasil Kamianko ničoha nie čuŭ pra zamach, jaki na jaho rychtavaŭsia. Ale viedaje, što ciapier viadziecca śledstva pa hetaj spravie.