Biełarus Arciom Mileŭski - najlepšy futbalist Ukrainy 2008/2009
Forvard kijeŭskaha «Dynama» Arciom Mileŭski pieramoh u apytańni časopisa «Futboł» i sajta footbal.ua na zvańnie najlepšaha hulca Ukrainy siezona‑2008/09.
Asnoŭnym kankurentam u baraćbie za «Załaty miač Ukrainy» byŭ charvacki abaronca danieckaha «Šachciora» Daryjo Srna, ale Mileŭski apiaredziŭ charvata bolš čym na 400 bałaŭ. U Mileŭskaha - 5 140 bałaŭ.
Hałasavańnie pravodziłasia treci raz, paviedamlaje Sport‑Ekspriess.
***
Arciom Mileŭski naradziŭsia ŭ 1985 h. u Minsku. U Kijeŭ pierajechaŭ u 15‑hadovym uzroście. Debiutavaŭ u vyšejšaj lizie ŭ kijeŭskim «Dynama» u mai 2003 h.
Jašče da pierajezdu ŭ Kijeŭ Mileŭski paśpieŭ pahulać za junackuju zbornuju Biełarusi, ale potym vykazaŭ žadańnie hulać za kamandu Ukrainu. U doŭhi kanflikt tady navat umiašałasia FIFA. Urešcie jon staŭ hulcom ukrainskaj zbornaj, za jakuju vystupaje ad 2006 h. Čym zdabyŭ šmat niepryjacielaŭ siarod biełaruskich amataraŭ futbołu.
A voś kijaŭlanie nadta ž šanujuć Mileŭskaha, luboŭna nazyvajučy jaho - Mila.
Za kijeŭskaje «Dynama» Arciom Mileŭski zhulaŭ 97 matčaŭ, zabiŭ 25 hałoŭ. Za zbornuju Ukrainy - 20 matčaŭ (2 hały).