Panižany rejtynh nadziejnaści čatyroch biełaruskich bankaŭ
Mižnarodnaje rejtynhavaje ahienctva paniziła doŭhaterminovyja rejtynhi pa depazitach u nacvalutie jašče čatyroch dziaržbankaŭ.
U śpis ahienctva, jak paviedamlaje Finmarket.ru, patrapili «Biełarusbank», «Biełahraprambank», «BPS-bank» i «Bielinviestbank».
Doŭhaterminovy rejtynh pa depazitach u nacyjanalnaj valucie «Biełarusbanka» panižany z uzroŭnia «Ba1» da «B1», rejtynh finansavaj ustojlivaści paćvierdžany na ŭzroŭni «Je+», prahnoz pa rejtynhach «stabilny». Adznaka bazavaj kredytnaj padtrymki «Biełarusbanka» panižanaja da «B2» z «B1».
Doŭhaterminovy rejtynh pa depazitach u nacvalutie «Biełahraprambanka» taksama panižany z uzroŭnia «Ba1» da «B1», rejtynh finansavaj ustojlivaści paćvierdžany na ŭzroŭni «Je+», prahnoz pa rejtynhach «stabilny». Anałahičnyja rejtynhavyja dziejańni z takimi ž paramietrami ahienctva ažyćciaviła ŭ adnosinach BPS-banka.
Doŭhaterminovy rejtynh pa depazitach u nacvalutie «Bielinviestbanka» panižany z «Ba2» da «B1», rejtynh finansavaj ustojlivaści paćvierdžany na ŭzroŭni «Je+», prahnoz pa rejtynhach «stabilny».
Dziejańni ahienctva adlustroŭvajuć jaho mierkavańnie adnosna mahčymaści ŭładaŭ Biełarusi akazvać dziaržbankam padtrymku ŭ vypadku paharšeńnia situacyi ŭ ekanomicy.
Nahadajem, što ŭ pačatku lipienia mižnarodnaje rejtynhavaje ahienctva Fitch Ratings paniziła prahnoz pa rejtynhach biełaruskich dziaržbankaŭ. U hetym śpisie apynulisia «Biełarusbank», «Biełahraprambank», «BPS-Bank» i «Bielinviestbank». Mižnarodnaje rejtynhavaje ahienctva paniziła rejtynh dla hetych bankaŭ sa «stabilnaha» na «niehatyŭny».
«Niehatyŭny» prahnoz adlustroŭvaje zdolnaść uładaŭ Biełarusi, jakaja skaračajecca, akazvać padtrymku bankaŭskaj sistemie ŭ vypadku nieabchodnaści. Akramia taho, prahnoz pa rejtynhach prymaje da ŭvahi mahčymaść prykmietnaha paharšeńnia samastojnych finansavych pazicyj bankaŭ u vypadku rezkaha ekanamičnaha spadu, pamianšeńnia dziaržaŭnaj padtrymki karparatyŭnaha siektara i/ci nastupnaha prykmietnaha panižeńnia kursu biełaruskaha rubla», - viadziecca ŭ paviedamleńni ahienctva.