Zabojcaŭ puchavickaha padpalščyka amnistavali?
Dvoje zabojcaŭ puchavickaha padpalščyka, mahčyma, užo amnistavanyja. Učora ich naviedaŭ načalnik izalatara časovaha ŭtrymańnia. Pra heta Jeŭraradyjo paviedamili ŭ Žytkavickim RAŬS.
Supracoŭnik Žytkavickaha RAŬS: «Načalnik izalatara časovaha ŭtrymańnia siońnia jeździŭ tudy ŭ viosku i skazaŭ, što jany ŭ nas adznačalisia i ich vidać całkam apraŭdali».
A voś sam načalnik izalatara paćvierdziŭ, što jeździŭ da ich z pravierkaj, ale ad dalejšych kamientaroŭ pakul admoviŭsia.
Nahadajem, dvoje žycharoŭ vioski Puchavičy Siarhiej Alifierovič i Ihar Makarevič (na zdymku) byli asudžanyja adpaviedna na 5 i 3 hady pazbaŭleńnia voliz adbyvańniem u kałonii ŭzmocnienaha režymu za zabojstva svajho adnaviaskoŭca Mikałaja Makareviča, jakoha padazravali ŭ padpałach.
9 lipienia Alaksandr Łukašenka pamiłavaŭ 21 asudžanaha da pazbaŭleńnia voli, adnak, ci patrapili ŭ hety lik Alifierovič i Makarevič, dakładna nie było nieviadoma.