Žycharku Mastoŭ aštrafavali na 1160 rubloŭ za nalepku z hierbam «Pahonia» na fasadzie doma
8 listapada ŭ Mastach razhladałasia administracyjnaja sprava za praviadzieńnie adzinočnaha pikietavańnia ŭ dačynieńni da žycharki Mastoŭ.
Hrodzienskaja «Viasna» paviedamlaje, što takim «adzinočnym» pikietavańniem, na dumku sudździ Mastoŭskaha rajona Vitala Siniły, źjaŭlajecca hierb «Pahonia», jaki aficyjna zarehistravany ŭ Biełarusi jak histaryčnaja kaštoŭnaść.
Na fasadzie doma Ludmiły ŭ Mastach, jakaja pražyvaje pa vulicy Bahdana Chmialnickaha, supracoŭniki milicyi pabačyli nalepku z vyjavaj hierba «Pahoni» i skłali pratakoł ab pikietavańni. Aficyjna dakazali, što tuju nalepku ŭ siaredzinie leta minułaha hoda nakleiŭ syn haspadyni doma, jaki naviedvaŭ baćkoŭ.
Sudździa Siniła paličyŭ fakt pikietavańnia dakazanym i aštrafavała Ludmiłu, jak uładalnicu doma, na 40 bazavych vieličyń.