Ukraina atrymała ad Biełarusi list ab spynieńni pastavak elektraenierhii
Udzielniki enierhietyčnaha rynku Ukrainy atrymali 8 listapada list ad Biełenierha adnosna spynieńnia pastavak elektraenierhii.
U dakumiencie havorycca, što ź listapada pastaŭki elektraenierhii ŭ abjadnanuju enierhasistemu (AES) Ukrainy ažyćciaŭlacca nie buduć.
Taki list atrymali niekalki ŭdzielnikaŭ rynku, u tym liku dziaržaŭny «Enierhaatam». U toj ža čas nieviadoma, ci atrymali jaho ŭsie ŭdzielniki rynku. To-bok mahčyma, što impartavać zmoža tolki adna abo niekalki kampanij.
Vierahodna, pastaŭki mohuć spynicca ŭžo 9 listapada, uličvajučy datu lista 8 listapada.
Pavodle Ukrenierha, Ukraina 8 listapada impartuje ź Biełarusi 400 MVt·h elektraenierhii ŭ abjadnanuju enierhasistemu.
Pa słovach deputata Jaŭhiena Šaŭčenki, rašeńnie abumoŭlena adsutnaściu ekanamičnaj vyhady dla ekspartu elektraenierhii ŭ Ukrainu.