Mierkiel i Pucin znoŭ abmierkavali Biełaruś
Jak pieradaje pres-słužba Kramla, siońnia adbyłasia jašče adna telefonnaja razmova Uładzimira Pucina z vykanaŭcaj abaviazkaŭ fiederalnaha kanclera FRH Anhiełaj Mierkiel. Pytańnie Biełarusi palityki abmiarkoŭvali i ŭčora.
Pradmietam razmovy stała situacyja na miežach Biełarusi z krainami Jeŭrasajuza. «Abodva baki paćvierdzili važnaść najchutčejšaha ŭrehulavańnia vostraha mihracyjnaha kryzisu ŭ adpaviednaści ź mižnarodnymi humanitarnymi normami», — havorycca ŭ paviedamleńni.
Uładzimir Pucin vykazaŭsia na karyść adnaŭleńnia kantaktaŭ pamiž dziaržavami ES i Biełaruśsiu ŭ metach vyrašeńnia hetaj prablemy.
Mierkiel u svaju čarhu zajaviła, što pryčynaj abvastreńnia situacyi na polska-biełaruskaj miažy, źviazanaj z napłyvam mihrantaŭ, źjaŭlajucca ŭłady Biełarusi, jak paviedamiŭ aficyjny pradstaŭnik urada Niamieččyny.