Ad 1 žniŭnia ŭ Minsku ŭvodziacca prajaznyja na paŭmiesiaca
Prajaznyja bilety na paŭmiesiaca na pieravozku pasažyraŭ haradskim transpartam ahulnaha karystańnia ŭvodziacca ŭ Minsku z 1 žniŭnia.
Rašeńniem Minharvykankama ŭstanoŭlena cana prajaznych biletaŭ na paŭmiesiaca ŭ pamiery:
Br 12 460 — na adzin vid transpartu (aŭtobus, tralejbus, tramvaj, mietro);
Br 16 620 — na aŭtobus‑ekspres;
Br 16 620 — na dva vidy transpartu (aŭtobus‑tralejbus, aŭtobus‑tramvaj, tramvaj‑tralejbus, aŭtobus‑mietro, tralejbus‑mietro, tramvaj‑mietro);
Br 19 820 — na try vidy transpartu (aŭtobus‑tralejbus‑tramvaj, aŭtobus‑tralejbus‑mietro, aŭtobus‑tramvaj‑mietro, tramvaj‑tralejbus‑mietro);
Br 22 430 — na čatyry vidy transpartu (aŭtobus‑tralejbus‑tramvaj‑mietro).
U ahienctvie rastłumačyli, što prajaznyja na paŭmiesiaca buduć dziejničać z 1 čysła i adpaviedna z 16 čysła kožnaha miesiaca. Novyja prajaznyja dakumienty pastupili ŭžo ŭ prodaž.
Jak paviedamlałasia BIEŁTA raniej sa spasyłkaj na pres‑słužbu Ministerstva ekanomiki, košt prajaznych dakumientaŭ zaćviardžajecca ŭ adpaviednaści ź Instrukcyjaj ab paradku vyznačeńnia koštu prajaznych biletaŭ šmatrazovaha karystańnia ŭ haradskim transparcie ahulnaha karystańnia i aŭtobusach rehularnych maršrutaŭ pryharadnych znosin. Jana zaćvierdžana pastanovaj Ministerstva ekanomiki i Ministerstva transpartu i kamunikacyj ad 16 lutaha 2005 hoda numar 28/12. Pry hetym paradak vyznačeńnia koštu prajaznoha bileta na paŭmiesiaca instrukcyjaj nie praduhledžvaŭsia. U metach palapšeńnia jakaści i kultury absłuhoŭvańnia nasielnictva, a taksama ŭ suviazi sa zvarotami arhanizacyj i hramadzian ab uviadzieńni prajaznych na paŭmiesiaca Minekanomiki i Mintras unieśli adpaviednyja źmianieńni i dapaŭnieńni ŭ dziejučuju pastanovu.