Čornyja kapačy raźviarnuli Ścieburackija kamiani pad Vilejkaj
U Vilejskim rajonie praciahvajucca fiksavacca vypadki vandalizmu. Znoŭ pad udar nieludziaŭ patrapiŭ archieałahičny pomnik — hetym razam paciarpieli ścieburackija kamiani.
Adzin z kultavych kamianioŭ zrušany, a na jaho miescy vyryta jama. Vidavočna što heta sprava ruk čornych kapalnikaŭ.
Zhodna z padańniem, ścieburackija kamiani — heta skamianieły araty i jahonyja vały.
Kamiani raźmiaščajucca na linii poŭdzień‑poŭnač i majuć vyjavy znakaŭ‑run — kryžoŭ i rytonaŭ (rahoŭ). Heta dazvalaje kazać, što kompleks źjaŭlajecca daŭnim śviatym miescam — kapiščam i, vierahodna, staražytnaj absiervatoryjaj.