Dla aharodnikaŭ uviali padatak. Ale nie dla ŭsich
Dla fizičnych asob, jakija zarablajuć na prodažy pradukcyi z ułasnaj padsobnaj haspadarki, uviali padachodny padatak.
Padachodny padatak dla aharodnikaŭ składzie 10%. Jaho buduć spahaniać u tych vypadkach, kali pry praviercy vydatkaŭ i dachodaŭ čałaviek ukaža, što nabyŭ majomaść abo zrabiŭ inšyja bujnyja pakupki za hrošy ad prodažu pradukcyi z asabistaj padsobnaj haspadarki.
Pa takoj ža schiemie, buduć brać padatak dla hrybnikoŭ i zborščykaŭ jahad.
Padatkaviki raniej adznačali, što pry praviercy vydatkaŭ i dachodaŭ biełarusaŭ usio čaściej stali atrymlivać tłumačeńni, što bujnyja sumy, jakija pryciahnuli ŭvahu praviaralščykaŭ, — heta dachody ad prodažu harodniny, sadaviny, miasa abo miodu z prysiadzibnaha ŭčastka.
U hetaj situacyi čynoŭniki vyrašyli abkładać padatkam takija dachody, kali pry praviercy vydatkaŭ i dachodaŭ čałaviek pakazvaje takuju krynicu hrašovych pastupleńniaŭ.
Ale spahaniać taki zbor chočuć z sumy, jakaja pieravysić 200 bazavych vieličyń (na siońnia heta 6400 rubloŭ).
«Pry ŭkazańni ŭ ramkach praviadzieńnia kamieralnaj pravierki za adpaviednaściu vydatkaŭ dachodam praviarajučym zhadanych dachodaŭ u jakaści krynic dachodaŭ prapanujecca ŭvieści miechanizm ich padatkaabkładańnia — udakładniajuć čynoŭniki. — Z metaj niedapuščeńnia paharšeńnia stanovišča sumlennych hramadzian, jakija sapraŭdy zajmajucca vyroščvajem i realizacyjaj vyšejpakazanaj pradukcyi, prapanujecca ŭstanavić miažu dachodu pamieram 200 bazavych vieličyń u hod (siońnia 6400 rubloŭ), jaki vyzvalajecca ad padachodnaha padatku».
Takoj ža miažoj 200 bazavych vyzvalajucca ad padatkaŭ dachodaŭ tyja, chto zajmajecca ramiesnaj dziejnaściu i ahraekaturyzmam.