U aeraporcie Minska zatrymali eks-kiraŭnika administracyi Staŭrapala
Jon sprabavaŭ źjechać za miažu paśla ŭmoŭna-daterminovaha vyzvaleńnia.
U Nacyjanalnym aeraporcie «Minsk» 10 studzienia pry afarmleńni rejsa «Minsk-Stambuł» zatrymany mužčyna. Padčas prachodžańnia pamiežnaha kantrolu jon pradjaviŭ biełaruskim pamiežnikam pašpart hramadzianina Rasijskaj Fiederacyi z prykmietami padrobki.
U zatrymanaha pry sabie byŭ sapraŭdny ŭnutrany pašpart hramadzianina Rasii, adnak vyjezd z krainy jamu byŭ abmiežavany.
Jak akazałasia, mužčyna źjaŭlajecca eks-kiraŭnikom administracyi Staŭrapala. U 2014 hodzie jon byŭ asudžany da dzieviaci hadoŭ kałonii za chabarnictva.
Paśla ŭmoŭna-daterminovaha vyzvaleńnia, jakoje praduhledžvaje abmiežavańnie na vyjezd za miažu, jon spadziavaŭsia źjechać i skarystaŭsia padroblenym dakumientam.
Uzbudžanaja kryminalnaja sprava.