Łukašenka zajaviŭ, što apieracyja ADKB u Kazachstanie była raspracavana im i Pucinym na praciahu hadziny
Alaksandr Łukašenka zajaviŭ, što miratvorčaja apieracyja ADKB u Kazachstanie była raspracavanaja im i Pucinym. Siońnia im pryjechaŭ u Mačuliščy da miratvorcaŭ, što viarnulisia z Kazachstana.
Fota pres-słužby Łukašenki
«Ja skažu bolš, biez chvalby. Usia hetaja apieracyja, až da detalaŭ, była raspracavana dvuma prezidentami — Rasii i Biełarusi — na praciahu adnoj hadziny. Była namiečanaja zaduma, Ministerstva abarony pad kiraŭnictvam Šajhu i Chrenin detalizavali ŭ hienieralnych štabach zadumu dvuch prezidentaŭ, i ŭžo praź niekalki hadzin vylecieli pieršyja samaloty ŭ Kazachstan. Usio było zroblena chutka i rašuča, biez vahańniaŭ», — skazaŭ Łukašenka, sustrakajučysia ź miratvorcami, jakija viarnulisia z Kazachstana.
Pavodle jaho słoŭ, pierakidka kantynhientu vojskaŭ krain-sajuźnic u samyja karotkija terminy likvidavała pahrozu razbureńnia dziaržavy, zabiaśpiečyła stabilizacyju situacyi i adnaŭleńnie kanstytucyjnaha paradku ŭ krainie.
Nahadajem, što miratvorčaja misija krain ADKB — Biełarusi, Armienii, Kyrhyzstana, Rasii, Tadžykistana — doŭžyłasia ŭ Kazachstanie niekalki dzion. Pa dapamohu ŭ ADKB źviarnuŭsia prezident Takajeŭ. Biełarusy achoŭvali ŭ Kazachstanie stratehičnyja abjekty.
13 studzienia adbyŭsia vyvad vajskovych kantynhientaŭ.