Pilny ciućka
Sabaka pa mianušcy Akułus znajšoŭ 720 hram marychuany.
Apieratyŭniki i kinołahi Mazyrskaj mytni kanfiskavali 720 hram marychuany.
Dva palietylenavyja skrutki znajšoŭ słužbovy sabaka pa mianušcy Akułus. U skrutkach znachodziłasia vysušanaja raślinnaja masa ciomna‑zialonaha koleru.
Pavodle pres‑słužby Dziaržaŭnaha mytnaha kamiteta, narkotyki ahulnaj vahoj 731,35 hram byli schavanyja ŭ mižstolnaj prastory adnaho z vahonaŭ ciahnika «Kišynioŭ — Sankt‑Pieciarburh». Zhodna z zaklučeńniem, hetaja raślinnaja masa źjaŭlajecca marychuanaj.
Mazyrskaj mytniaj zaviedziena kryminalnaja sprava pavodle prykmietaŭ złačynstva, praduhledžanaha č.2. art. 228 KK RB (kantrabanda) i pravodziacca nieadkładnyja śledčyja dziejańni pa ŭstanaŭleńni asob, datyčnych da kantrabandy narkotykaŭ.