Biełarusy zaniali vośmaje miesca ŭ bijatłonnaj estafiecie, choć išli trecimi
Siońnia na Alimpijadzie ŭ Piekinie prajšła bijatłonnaja estafieta siarod mužčyn (4 pa 7,5 km). Biełaruskaja čaćviorka (Mikita Łabastaŭ, Dźmitryj Łazoŭski, Maksim Varabiej i Anton Smolski) finišavała tolki na vośmym miescy.
Pryčym padčas pieršaha i druhoha etapaŭ biełarusy išli i druhimi, i trecimi (paśpiachova prabiehli i adstralalisia Łabastaŭ i Łazoŭski).
Adnak Maksim Varabiej zavaliŭ druhuju stralbu, vykarystaŭšy i try dadatkovyja patrony i pajšoŭšy na dva štrafnyja koły, u vyniku jon pieradaŭ estafietu dziaviatym.
Anton Smolski finišavaŭ vośmym. Adstavańnie ad pieršaha miesca skłała adnu chvilinu 59 siekundaŭ.
Vyjhrała estafietu zbornaja Narviehii z vynikam adna hadzina 19 chvilin 50,2 siekundy.
Rasija ŭpeŭniena išła paśla troch etapaŭ pieršaj, ale Eduard Łatypaŭ, što bieh na apošnim etapie, pajšoŭ paśla druhoj stralby na dva štrafnyja koły.
Francyja — druhaja (+27,4 siekundy), Rasija — treciaja (+45,2).
***
Zaŭtra projdzie estafieta ŭ žančyn (pačatak u 10:45 pa minskim časie), taksama ŭ sieradu projdzie finał u mužčynskim frystajle (a 14-j).
U Biełarusi na Alimpijadzie dva miedali: srebra Hanny Huśkovaj u frystajle i Antona Smolskaha ŭ indyvidualnaj honcy ŭ bijatłonie.