Za minuły hod u Minsku była zaviedziena 21 kryminalnaja sprava suprać kantraloraŭ hramadskaha transpartu
U 2021 hodzie va ŭpraŭleńni Śledčaha kamiteta pa Minsku rasśledavali 21 kryminalnuju spravu ŭ dačynieńni da kantraloraŭ «Minsktransa». Jany prymali ad bieźbiletnikaŭ hrošy (u jakaści štrafu), a paśla vynosili pastanovy na imia inšych hramadzian. A časam kantralory i zusim nie vynosili nijakich pastanoŭ, paviedamlaje ahienctva «Minsk-Naviny».
Fota ilustracyjnaje.
U Śledčym kamitecie pryviali prykład adnaho prysudu: 53-hadovuju minčanku asudzili na dva hady pazbaŭleńnia voli z adterminoŭkaj pakarańnia ŭ dva hady, a taksama 50 hadzin hramadskich rabot. Jana brała hrošy ŭ bieźbiletnikaŭ, jakija nie mieli pry sabie dakumientaŭ, a paźniej, kab nadać zakonnaść svaim dziejańniam, vypisvała pastanovy na imia ludziej, čyje pašpartnyja dadzienyja ŭ jaje byli raniej. Svaje dziejańni jana matyvavała tym, što chacieła damahčysia vysokich pakazčykaŭ na pracy i atrymać premiju.
U Śledčym kamitecie ŭdakładnili, što kantralory pavinny dastaŭlać bieźbiletnikaŭ z metaj ustanaŭleńnia asoby ŭ najbližejšaje adździaleńnie milicyi, adnak časta jany nie robiać hetaha, kab nie tracić čas.