Zahinuŭ u Biełarusi na kanikułach
12‑hadovy padletak, hramadzianin Ukrainy, zahinuŭ minułaj nočču padčas pažaru ŭ Karmianskim rajonie. Razam ź im achviarami ahniu stali dvoje darosłych.
Jak paviedamiŭ BiełaPAN pres‑sakratar Homielskaha abłasnoha ŭpraŭleńnia MNS Rusłan Habryloŭ, žyły dom u vioscy Strukačoŭ zahareŭsia prykładna ŭ čatyry hadziny ranicy. Kali praz 15 chvilin paśla paviedamleńnia ab pažary na miesca NZ prybyli ratavalniki, dom byŭ poŭnaściu achopleny ahniom. U budynku znojdzieny cieły žančyny 1940 hoda naradžeńnia, haspadyni doma, mužčyny 1952 hoda naradžeńnia i ŭnuka žančyny, jaki pryjechaŭ u Biełaruś na letnija kanikuły z Ukrainy.
Pryčyna pažaru ŭstanaŭlivajecca. Va ŭpraŭleńni MNS adznačyli, što ŭ sakaviku pažarnyja pravodzili abśledavańnie doma, jaki zhareŭ, i vyjavili šeść parušeńniaŭ praviłaŭ pažarnaj biaśpieki. Haspadaram było rekamiendavana ich ustaranić.