Vyniki losavańnia 1/8 finału Kubku Biełarusi pa futbole
U Domie futbołu ŭ Minsku 13 žniŭnia prajšło losavańnie 1/8 finału Kubku Biełarusi, paviedamlaje sajt Biełaruskaj fiederacyi futbołu.
Uładalnik Kubku Biełarusi navapołacki «Naftan» sustreniecca z mazyrskaj «Słavijaj» - kamandaj, što pradstaŭlaje pieršuju lihu (h.zn. D2).
Piacirazovy čempijon Biełarusi barysaŭski BATE zhulaje z FK «Minsk». Možna skazać, što hienieralnaja repietycyja hetaha kubkavaha procistajańnia projdzie ŭžo ŭ hetu niadzielu, kali kamandy sustrenucca miž saboj u Barysavie, u ramkach 15-ha turu čempijanatu Biełarusi pa futbole. Pačatak hetaha matču a 19-j.
Adbudziecca adno derbi: FK «Homiel» sustreniecca ź ziemlakami z – DSK «Homiel», kamandaj, što sioleta pradstaŭlaje pieršuju lihu.
Inšyja pary:
«Tarpieda» (Žodzina) – «Vieras» (Niaśviž, D2)
«Hranit» (Mikaševičy) – «Nioman» (Hrodna)
MTZ‑RIPA (Minsk) — «Połack» (D2)
«Dniapro» (Mahiloŭ) — «Dynama» (Minsk),
«Biełšyna» (Babrujsk, D2) – «Šachcior» (Salihorsk).
Kamandy, paznačanyja pieršymi, praviaduć pieršy matč doma.
Matčy 1/8 finału Kubku Biełarusi pa futbole projduć, kali skončycca čempiainat. 11 listapada — pieršyja hulni, 15 listapada — matčy ŭ adkaz.