«Novaja hazieta» abviaściła, što vydalić materyjały pra vajnu Rasii z Ukrainaj
Takoje rašeńnie ŭ redakcyi patłumačyli vajennaj cenzuraj i adsutnaściu prava «ryzykavać svabodaj našych tavaryšaŭ». Pry hetym vydańnie praciahnie raskazvać pra ekanamičnyja i inšyja nastupstvy ŭvarvańnia, ź jakimi sutykajecca Rasija.
Z zajavy vydańnia:
«Vajskovaja cenzura ŭ Rasii chutka pierajšła ŭ novuju fazu: ad pahrozy błakavańnia i zakryćcia vydańniaŭ (amal całkam realizavanaj) pierajšła da pahrozy kryminalnaha pieraśledu jak žurnalistaŭ, tak i hramadzian, jakija raspaŭsiudžvajuć infarmacyju ab bajavych dziejańniach, adroznuju ad pres-relizaŭ Minabarony.
Niama sumnievaŭ, što hetaja pahroza budzie realizavanaja.
My nie majem prava ryzykavać svabodaj našych tavaryšaŭ. Ale my nie možam ihnaravać i pazicyju vas, našych čytačoŭ, jakija adnaznačna vykazalisia za praciah pracy va ŭmovach vajennaj cenzury.
Tamu my vydalajem materyjały na hetuju temu z našaha sajta i z sacyjalnych sietak.
U «Novaj haziecie» adznačyli, što praciahnuć raspaviadać ab nastupstvach, ź jakimi sutyknułasia Rasija, u tym liku ekanamičnym kryzisie, padzieńni ŭzroŭniu žyćcia, prablemach z dostupam da zamiežnych lekaŭ i technałohijach, pieraśledzie inšadumcaŭ».