19‑hadovy žychar Hrodna zabiŭ na aŭtamabili 25-hadovuju maci
abnoŭlena
Jejny syn u ciažkim stanie dastaŭleny ŭ balnicu.
U Hrodnie 19‑hadovy pjany chłopiec, kirujučy aŭtamašynaj «Ford» biez vadzicielskich praŭ, ździejśniŭ uviečary 16 žniŭnia najezd na 25‑hadovuju žančynu i jaje adnahadovaha syna.
Trahiedyja zdaryłasia a 22-j viečara ŭ niadzielu na vulicy Dambroŭskaha, kala AZS Biełnaftachim.
U hetym miescy adsutničajuć chodniki, i siamja - maci i baćka ź dziciem u kalascy - išli pa ŭzbočynie. Maci šturchała kalasku. Aŭtamabil «Ford-eskort» litaralna źnios kalasku i na vialikaj chutkaści źjechaŭ.
Žančyna zahinuła na miescy, a jaje maleńki syn u ciažkim stanie źmieščany ŭ balnicu. Vadziciel byŭ zatrymany a 01:40.
Błoh s13 zaznačaje, što telefańni ŭ DAI pra dziŭny aŭtamabil, jaki nosicca pa horadzie na vialikaj chutkaści, stali pastupać prykładna za hadzinu da trahiedyi.