Na Biełaruskaj čyhuncy moža adbycca jašče adna maštabnaja začystka niełajalnych
Pra mahčymuju začystku paviedamlaje Abjadnańnie čyhunačnikaŭ Biełarusi. U pieršuju čarhu, pavodle źviestak Abjadnańnia, buduć zvalniać tych, chto pracuje z dakumientami abmiežavanaha raspaŭsiudžvańnia i rabotnikaŭ, źviazanych z arhanizacyjaj ruchu ciahnikoŭ.
KDB, maŭlaŭ, «pieražyvaje», što nie moža zabiaśpiečyć 100%-uju harantyju biaśpieki ruchu vajskovych ešałonaŭ i abaronu ad uciečki danych, jakija tyčacca hrafikaŭ ruchu vajskovych ešałonaŭ z kantrolnym časam prasoŭvańnia, pierapisak z Upraŭleńniem vajennych paviedamleńniaŭ Biełarusi i Rasii i inšaj padobnaj dakumientacyi.
Taksama ź siońniašniaha dnia va Upraŭleńni, adździaleńniach i ŭ padraździaleńniach Biełaruskaj čyhunki na podpis supracoŭnikam nibyta dajuć papieru z pahrozami ab kryminalnaj adkaznaści za dačynieńnie da rejkavaj vajny i zakliki da jaje.