U Ispanii znojdzienyja miortvymi rasijski miljanier, jaho žonka i dačka. Heta ŭžo druhi padobny vypadak za try dni
Były top-mieniedžar rasijskaj hazavaj kampanii «Navatek» Siarhiej Pratasienia, jaho žonka i dačka znojdzienyja miortvymi ŭ horadzie Ljoret-de-Mar u Ispanii. Pra heta paviedamlaje «Miaduza» sa spasyłkaj na telekanał Telecinco.
Pa danych telekanała, cieły žonki top-mieniedžara Natalli i 18-hadovaj dački z nažavymi ranieńniami byli znojdzienyja ŭ pakojach viły, što naležyć siamji. Cieła samoha Pratasieni znajšli ŭ sadzie. Jon zahinuŭ ad udušeńnia, pobač ź im byli siakiera i nož.
Miarkujecca, što top-mieniedžar zabiŭ žonku i dačku, paśla čaho skončyŭ žyćcio samahubstvam.
Pa infarmacyi telekanała, siamja Pratasieni žyła ŭ Francyi, a ŭ Ispaniju jany pryjechali na vielikodnyja śviaty.
Kapitał byłoha top-mieniedžara «Navateka» aceńvajecca ŭ 400 miljonaŭ jeŭra, paviedamlaje telekanał.
18 krasavika ŭ Maskvie byli znojdzienyja miortvymi były vice-prezident Hazprambanka Uładzisłaŭ Avajeŭ, jaho žonka i niepaŭnaletniaja dačka. Pa papiarednich danych, bankir zabiŭ siamju, paśla čaho pakončyŭ z saboj.