Uzrastuć ceny na prajezd u haradskim transparcie
U chutkim časie ŭ Biełarusi mohuć pavysicca taryfy na pasažyrskija pieravozki ŭ haradskim transparcie.
Pra heta paviedamiŭ ministr transpartu i kamunikacyj Ivan Ščerba ŭ intervju haziecie «Respublika», apublikavanym 25 žniŭnia.
«Naš pasažyrski transpart ahulnaha karystańnia pieravozić štohod bolš jak 2 miljardy pasažyraŭ. Pačynajučy sa žniŭnia 2007 hoda taryfy na pieravozku zastajucca niaźmiennymi. Adnak z taho času pavialičylisia ceny na paliva, zapasnyja častki i ahrehaty, źmianilisia sumy i staŭki ekałahičnaha padatku», — patłumačyŭ kiraŭnik Mintransa.
Pavodle jaho słoŭ, košt aŭtobusaŭ, što nabyvajucca aŭtapradpryjemstvami, pavialičyŭsia ŭ siarednim da 30%. Tamu straty Mintransa za pieršy kvartał 2009 hoda dasiahnuli 7,7 młrd. rub., za pieršaje paŭhodździe 2009 hoda — 13,7 młrd. rub., a ŭ paraŭnańni ź minułym hodam uzraśli adpaviedna ŭ 4,3 i 2,2 razu.
Ułasnymi dachodami ŭ pieršym paŭhodździ 2009 hoda akuplajecca 72,9% pieravozak, subsidyjami — 18,2%, a nie kampiensujucca ničym 8,9% raschodaŭ. «Tamu biez pavieličeńnia taryfaŭ nie abyścisia. Ličym, što heta adbudziecca ŭ chutkim časie», — zaznačyŭ kiraŭnik Mintransa.