Uładyka Safron idzie na papraŭku
Paśla pieraniesienaj apieracyi palapšajecca zdaroŭje jepiskapa Mahiloŭskaha i Mścisłaŭskaha Safronija, paviedamiŭ pres-sakratar mitrapalita Minskaha i Słuckaha Fiłareta, patryjaršaha ekzarcha ŭsiaje Biełarusi Andrej Pietraškievič.
Ciapier uładyka Safronij idzie na papraŭku, praces adnaŭleńnia jaho zdaroŭja prachodzić paśpiachova. Ale pytańnie pra vypisku jepiskapa z balnicy pakul nie staić.
Nahadajem, što 23 žniŭnia ŭ časie ranišniaj niadzielnaj słužby ŭ Kafiedralnym sabory Mahilova byŭ dvojčy paranieny ŭładyka Safron. Mužčyna nanios jamu ŭdar nažom u vobłaść žyvata, a taksama paškodziŭ vieny na ruce, jakoj jepiskap sprabavaŭ abaranicca. Napadnik znachodzicca na ŭliku ŭ Mahiloŭskaj abłasnoj psichijatryčnaj balnicy. U dačynieńni da złačyncy raspačata sprava pavodle č. 1 art. 147 KK (naŭmysnaje naniasieńnie ciažkaha cialesnaha paškodžańnia).