Va Ukrainie adkryjuć adzin z aerapartoŭ dla pasažyrskich pieravozak, pakidajučy zakrytym nieba
Havorka idzie pra aeraport Užharada, centra Zakarpackaj vobłaści. Sprava ŭ tym, što ŭźlotna-pasadačnaja pałasa hetaha aeraporta znachodzicca ŭžo na terytoryi susiedniaj Słavakii. Tamu barty buduć traplać adrazu ŭ nieba Jeŭrapiejskaha sajuza, a nieba Ukrainy zastaniecca zakrytym.
«Tamu ja ŭpeŭnieny, što praź miesiac-druhi ŭ nas palaciać barty našych ukrainskich avijakampanij, jakija bazujucca siońnia ŭ Jeŭropie», — zajaviŭ kiraŭnik Zakarpackaj abłasnoj rady Uładzimir Čubyrka.
Ciapier u aeraporcie viaducca adpaviednyja padrychtoŭčyja raboty. Heta raniej byŭ nievialiki pravincyjny aeraport, ź jakoha rabilisia tolki ŭnutranyja rejsy. Pabudavany jon byŭ jašče ŭ 1929 hodzie, kali Zakarpaćcie było častkaj Čechasłavakii. Karystańnie ŭźlotna-pasadačnaj pałasoj rehulujecca miždziaržaŭnymi damovami.