Abnavili kartu zabaron na naviedvańnie lasoŭ
Minlashas abnaviŭ kartu zabaronaŭ i abmiežavańniaŭ na naviedvańnie lasoŭ. Dla naviedvańnia zastajucca adkrytymi ciapier tolki ŭsie lasy Viciebskaj vobłaści i ŭschodu dy zachadu Mahiloŭščyny.
Zialony koler na karcie aznačaje, što naviedvańnie lasoŭ dazvolenaje biez abmiežavańniaŭ.
Žoŭty — abmiežavanaje naviedvańnie asobnych učastkaŭ (bolš padrabiaznuju infarmacyju možna ŭdakładnić u rajvykankamach).
Čyrvony — naviedvańnie lasoŭ časova zabaronienaje va ŭsim rehijonie.
Važna adznačyć, što zabarona na naviedvańnie lasoŭ u niekatorych rajonach Homielskaj vobłaści trymajecca pačynajučy ź viasny, kali hetyja terytoryi vykarystoŭvalisia ŭ jakaści płacdarmu dla napadu Rasii na Ukrainu. Jość padstavy mierkavać, što hetaja zabarona źviazanaja nie z umovami nadvorja i pažarnaj niebiaśpiekaj, a z tym, što ŭ miascovych lasach rasijskija vajskoŭcy pakinuli šmat vybuchovych pryład.