«Biznes znojdzie ščyliny». Ministr sielskaj haspadarki pra zachodnija kamplektujučyja dla techniki
Ministr sielskaj haspadarki i charčavańnia Biełarusi Ihar Bryło prakamientavaŭ, vystupajučy ŭ prajekcie «U temie» na YouTube-kanale BiełTA, zaležnaść svajoj haliny ad impartu techniki i kamplektujučych da jaje.
Pavodle Bryło, impartnaja zaležnaść u biełaruskaj sielskaj haspadarki jość, ale jana, maŭlaŭ, nievialikaja. «Pa traktarach u nas 4% impartu, 12% — pa kormaŭboračnych kambajnach, 20% — pa zbožžaŭboračnych kambajnach», — skazaŭ ministr. I dadaŭ, što za košt biełaruskaj techniki pastupova hetyja pakazčyki źmianiajucca.
«Choć jość niekatoryja vuzły abstalavańnia ŭ pierapracoŭčaj halinie, jakija pakul zamiaścić składana. Ale sproby rabić treba», — ličyć ministr.
Jak zvyčajna, usie nadziei na Rasiju, ź jakoj uzhodnieny pakiet pa impartazamiaščeńni na 1,3 młrd dalaraŭ, pieravažna ŭ mašynabudavańni.
Uvohule, Ihar Bryło ŭpeŭnieny, što impartnyja pazicyi pa zapasnych častkach da techniki ŭ Biełarusi nie prapaduć. Nieabchodnyja kamplektujučyja, maŭlaŭ, tak ci inakš zavoziacca ŭ krainu, tamu što «biznes znojdzie ščyliny, jakija jamu treba».