Kadyraŭ admoviŭsia ad svaich słovaŭ pra adstaŭku
Kiraŭnik Čačenskaj respubliki zajaviŭ, što nie maje prava pakinuć svaju pasadu «prosta tak», nie spytaŭšy narod i prezidenta, i zaklikaŭ pakinuć razmovy pra jaho biesterminovy adpačynak.
Fota: AP
Kiraŭnik Čačni ŭ svaim telehram-kanale adznačyŭ, što maje namier pabić rekord pa praciahłaści znachodžańnia na pasadzie hubiernatara. Raniej, u subotu jon zajaŭlaŭ, što moža pakinuć svaju pasadu, bo «zasiadzieŭsia».
«Nasamreč, prosta tak syści ja, viadoma, nie maju prava. Narod davieryŭ mnie kiraŭnictva rehijonam. I apraŭdać hety davier — moj śviaty abaviazak. Syści mahu, tolki spytaŭšy narod i prezidenta Rasii. Tamu razmovy ab biesterminovym adpačynku pakiniem na budučyniu», — skazaŭ Ramzan Kadyraŭ.
Jon nahadaŭ, što ŭznačalvaje rehijon užo 15 hadoŭ, adnak rekord siarod rasijskich hubiernataraŭ — 27 hadoŭ (Jaŭhien Saŭčanka prabyŭ na pasadzie hubiernatara Biełharodskaj vobłaści z 1993 pa 2020 hod).
«Pahladzim, moža, ja pierasiahnu hety pakazčyk», — zajaviŭ Kadyraŭ.