Rasijanie atakavali Biełuju Carkvu dronami-kamikadze
Kiraŭnik administracyi Kijeŭskaj vobłaści Alaksiej Kuleba paćvierdziŭ udar pa Biełaj Carkvie i piša, što, pa papiarednich danych, udar byŭ naniesieny dronami-kamikadze.
«Praz heta — pažary na abjektach infrastruktury. Jość adzin paciarpieły», — śćviardžaje Kuleba.
Nočču va ŭkrainskich telehram-kanałach źjavilisia videa z vybuchami. Praź ciemru na videa ničoha nie vidać, ale čutny, jak śćviardžajuć błohiery, charakterny huł ruchavikoŭ iranskich dronaŭ i zatym vybuchi.
Vidavočcy naličyli jak minimum šeść vybuchaŭ.
Adkul byli zapuščanyja drony pa paŭnočnaj častcy Ukrainy, pakul nieviadoma.