«Nie pracujuć, a sacpasłuhi atrymlivajuć, jak usie. Niespraviadliva» — Łukašenka znoŭ uziaŭsia za «darmajedaŭ»
Na naradzie pa pytańniach biaśpieki Alaksandr Łukašenka zajaviŭ, što pry sustrečy z ekanamičnym błokam zakranałasia taksama prablema «značnaj kolkaści darmajedaŭ, jakija nie žadajuć uładkoŭvacca na pracu».
Pavodle Łukašenki, u Biełarusi płanujecca pryniać miery dla taho, kab zrabić «bolš spraviadlivaj» sistemu akazańnia sacyjalnych pasłuh dla hramadzian, jakija pracujuć, i tych, chto nie pracuje.
«My ciapier vypracoŭvajem miery — što rabić ź imi. Pravilna skazaŭ staršynia prafsajuzaŭ Michaił Siarhiejevič Orda: niekalki tysiač nie pracujuć, a sacyjalnyja pasłuhi, u tym liku adukacyi i asabliva achovy zdaroŭja, jany atrymlivajuć tak, jak usie. Heta spraviadliva? Niespraviadliva», — miarkuje Łukašenka.
Łukašenka pierakanany, što «ŭ asnovie palityki Biełarusi zaŭsiody była i zastajecca kancepcyja spraviadlivaści», jaje jon budzie «prytrymlivacca i ŭ dalejšym».