Štrafy z kantrabandystaŭ buduć spahaniać prosta na polskaj miažy
U štrafnika mohuć zabrać najaŭnyja hrošy i navat aŭtamabil.
Na pačatku žniŭnia na polska-rasiejskich pamiežnych pierachodach pajaviacca mytniki-zborščyki. Ad kanstrabandystaŭ, jakija nie zapłacili štrafaŭ, jany buduć spahaniać naležnaje. U krajnich vypadkach mohuć navat kanfiskavać aŭtamabil.
Zhodna ź dziejučym zakanadaŭstvam, kantrabandystaŭ, jakija nielehalna pravozili 445 i bolš błokaŭ cyharet, staviać pierad sudom. Kali cyharetaŭ było mieniej, to ich štrafujuć. Značnaja častka pamiežnych handlaroŭ štrafaŭ prosta nia płacić. Rekardsmeny majuć navat pa 20 niezapłačanych pakarańniaŭ na sumu pa niekalki tysiač złotych. Mienavita z hetymi ludźmi Mytnaja pałata ŭ Olštynie vyrašyła navieści paradak.
Mytniki-zborščyki buduć prysutničać pry pamiežnym kantroli. Kali akažacca, što asoba, jakaja pierasiakaje miažu, maje na rachunku niezapłačany štraf, to jaje paprosiać urehulavać doŭh. U inšym vypadku mytniki mohuć zatrymać najaŭnyja hrošy, jakija hetaja asoba maje pry sabie, albo navat aŭtamabil.