Pad Pastavami aŭčarki zahryźli mužčynu
Trahiedyja zdaryłasia ŭ sakaviku, kali 35-hadovy minčanin pryjechaŭ na lecišča ŭ viosku Roskaš. Praź niekalki dzion da jaho nie zmahła datelefanavacca maci. Jana i źviarnułasia ŭ milicyju, paviedamlaje telehram-kanał «Obratnaja storona».
Supracoŭniki milicyi znajšli trup minčuka niedaloka ad jaho dačnaha doma. Pa zaklučeńni ekśpiertaŭ, śmierć — bieź śladoŭ kryminału.
Vyśvietliłasia, što ŭviečary zahinuły vychodziŭ na prabiežku. Kali zakančvaŭ treniroŭku, na jaho nakinulisia dźvie niamieckija aŭčarki.
Sabaki naležać 61-hadovamu dyrektaru firmy sa stalicy. Pa jaho prośbie za čatyrochnohimi pryhladaŭ 30-hadovy viaskoviec. U toj viečar jon i vypuściŭ aŭčarak na prahułku.