Partyzany na Łuhanščynie paškodzili važny čyhunačny šlach zabieśpiačeńnia rasiejcaŭ
Na niepadkantrolnaj Ukrainie častcy Łuhanskaj vobłaści ŭ rajonie Łuhanskaj CES padpalili abstalavańnie aŭtamatyzavanaha kiravańnia čyhunkaj na ŭčastku «Łuhansk — Łantrataŭka». Jak paviedamiŭ kiraŭnik Łuhanskaj vobłaści Siarhiej Hajdaj, heta zrabili «łuhanskija partyzany».
Padpał adbyŭsia na ŭčastku čyhunki ŭ rajonie Łuhanskaj CES. U najbližejšyja dva-try tydni rasiejskija akupanty buduć sutykacca z adčuvalnaj zatrymkaj pastaŭki vajskovych hruzaŭ na Łuhanščynie.
Pa acency śpiecyjalistaŭ, źniščeńnie takoj sistemy pryviadzie da pieravodu ŭ «ručny režym» kiravańnia ŭčastkam čyhunačnych šlachoŭ, adznačaje Hajdaj. Jak vynik, heta zrobić niemahčymym svoječasovuju dastaŭku hruzaŭ vajennaha pryznačeńnia da pieradavych pazicyj rasijskich akupantaŭ (prykładna na 14-20 sutak).