Zachodnich vykanaŭcaŭ usio adno słuchajuć u Rasii, choć łejbły i syšli
U desktopnaj viersii sacyjalnaj sietki «Ukantakcie» i na stryminhavaj płatformie «Zvuk» źjavilisia novyja pieśni zachodnich artystaŭ, zapisanyja ŭ kampanijach, jakija ŭ sakaviku 2022 hoda abviaścili ab spynieńni pracy na rasijskim rynku, zaŭvažyŭ RBK.
Fota ilustracyjnaje
Na servisach dastupnyja novyja albomy Tejłar Śvift «Midnights», Rammstein «Zeit» (abodva zapisanyja Universal Music Group) i Red Hot Chili Peppers «Return Of The Dream Canteen», a taksama novaja pieśnia Paramore «This Is Why» (Warner Music Group).
Amal va ŭsich piesień na płatformie «Zvuk» staić paznaka, što jany zahružanyja karystalnikami.
Tym nie mienš, apytanyja RBK jurysty pierakananyja, što kali pamiž placoŭkami i pravaŭładalnikami nie była ŭkładzienaja damova, to raźmiaščeńnie dla prasłuchoŭvańnia abo zapampoŭki kantentu niezakonnaje. Adnak i spahnać straty łejbłam u biahučych umovach budzie składana, u tym liku praz zachodnija sankcyi.