Kala Mielitopala ŭkrainskija partyzany ŭzarvali stratehična važny most
U pryharadzie akupavanaha Mielitopala ŭ Zaparožskaj vobłaści ŭzarvali most, pa jakim rasijskija akupanty pieravozili vajskovuju techniku z uschodniaha kirunku. Ruch pa moście prypynieny.
Mer Mielitopala Ivan Fiodaraŭ napisaŭ: «U Mielitopali «stamiŭsia» most, jaki złučaŭ horad ź vioskaj Kanstancinaŭkaj. Heta adzin sa stratehična važnych mastoŭ paśla «stomlenaści» Krymskaha mosta. Mienavita praź jaho akupanty pieravozili vajskovuju techniku z uschodniaha kirunku».
Adrazu paśla vybuchaŭ na moście ŭ Mielitopali ŭ asobnych častkach horada akupanty pačali hłušyć suviaź i internet. Rasijskaje «RIA Naviny» sa spasyłkaj na akupacyjnyja ŭłady paviedamiła, što, pa papiarednich źviestkach, u apory mosta ŭ Kanstancinaŭcy zakłali vybuchoŭku. Pavodle źviestak akupantaŭ, «most vystajaŭ, ale surjozna prasieła darožnaje pałatno».
Ruch pa moście pakul prypynieny.