Mask raspuściŭ Radu davieru i biaśpieki Twitter
Twitter, jakim vałodaje pradprymalnik Iłan Mask, raspuściŭ kansultacyjnuju Radu davieru i biaśpieki, piša RBK.
Fota: AP
«[Twitter] pieraaceńvaje, jak najlepšym čynam vykarystać źniešniuju infarmacyju ŭ našaj pracy pa raspracoŭcy praduktaŭ i palityki. U ramkach hetaha pracesu my vyrašyli, što Rada davieru i biaśpieki — nie lepšaja struktura dla hetaha», — takuju cytatu ź lista pryvodzić CNN.
Telekanał udakładniaje, što ŭ Radu ŭvachodzili źniešnija ekśpiertnyja arhanizacyi, jakija davali rekamiendacyi pa pytańniach biaśpieki ŭ sietcy, pravach čałavieka, psichičnych prablemach i h. d.
Raniej u śniežni try členy Rady padali ŭ adstaŭku. U svajoj zajavie jany pakazali, što nasupierak zajavam Iłana Maska, biaśpieka i dabrabyt karystalnikaŭ Twitter paharšajucca.