Sakratar Rady biaśpieki Ukrainy: Dla nas «raptoŭnaja» pravierka vojskaŭ u Biełarusi nie była niečakanaściu
Ukraina zahadzia viedała, što siońnia, 13 śniežnia, u vojskach Biełarusi projdzie pravierka bojehatoŭnaści. USU hatovyja da lubych varyjantaŭ raźvićcia padziej na hetym kirunku i nie rajać nikomu sunucca na terytoryju Ukrainy, zajaviŭ sakratar Rady nacyjanalnaj biaśpieki i abarony (RNBA) Ukrainy Alaksiej Daniłaŭ u efiry nacyjanalnaha telemarafonu.
Alaksiej Daniłaŭ. Fota: UNIAN
Daniłaŭ prakamientavaŭ situacyju ŭ Biełarusi:
«Sapraŭdy, siońnia tam byli vučeńni. My viedali, što jany tam buduć adbyvacca. Dla nas heta nie było niečakanaściu. My hatovyja da luboha raźvićcia padziej, kali Rasija sumiesna ź Biełaruśsiu buduć ździajśniać tyja ci inšyja akty ahresii».
Daniłaŭ padkreśliŭ, što prapracoŭka ŭsich patencyjnych vajennych scenaryjaŭ pačałasia daŭno. Mienavita tamu USU całkam hatovyja.
«Kali chtości suniecca na našu terytoryju, to ja jamu nie zajzdrošču», — padsumavaŭ sakratar RNBA Ukrainy.