Čerhi na miažy: bolš za 430 lehkavikoŭ čakajuć vyjezdu ź Biełarusi ŭ ES
Na minułym tydni Polšča prypyniła ruch aŭtamabilaŭ praz punkt propusku «Babroŭniki», pakinuŭšy na ŭčastku pa adnym punkcie dla lehkavoha i hruzavoha transpartu.
Fota: «Virtualny Brest»
Mašyny stajać u punktach propusku na miežach Biełarusi ź Litvoj i Polščaj, u łatvijskim napramku prajezd svabodny, heta vynikaje z danych na sajcie Biełaruskaha pamiežnaha kamiteta.
Bolš za ŭsio sabrałasia lehkavych aŭtamabilaŭ na polskim kirunku. Tak, pa danych na 10:00 13 lutaha ŭ punkcie propusku «Brest» mahčymaści vyjechać ź Biełarusi i ŭjechać u ES čakaje bolš za 300 lehkavikoŭ.
Bolš za 130 lehkavych aŭtamabilaŭ naličvajecca i ŭ čarzie na biełaruska-litoŭskaj miažy, bolš za 50 ź ich u punkcie propusku «Pryvałka», bolš za 40 — u «Bieniakoniach», zvyš 20 — u «Łošy» i u «Katłoŭcy».
Na miažy z Łatvijaj čerhaŭ niama.