Nad Ła-Manšam vybuchnuŭ asteroid, jaki ŭvajšoŭ u atmaśfieru Ziamli VIDEA
Ranicaj 13 lutaha nad Ła-Manšam vybuchnuŭ asteroid, jaki zajšoŭ u atmaśfieru Ziamli. Heta adzin ź niešmatlikich vypadkaŭ, kali vybuch kaśmičnaha cieła pradkazali zahadzia.
Kala 6-ci hadzin ranicy pa minskim časie nad Ła-Manšam asteroid Sar2667 uvajšoŭ u pavietranuju prastoru ziamli i vybuchnuŭ u pavietry. Momant mahli bačyć ludzi ŭ paŭdniovaj častcy Anhlii, Uelsa i žychary paŭnočnaj častki Francyi.
Mižnarodnaja mieteornaja arhanizacyja, bielhijskaja niekamiercyjnaja arhanizacyja, zajaviła, što abjekt uvajšoŭ prykładna na 4 km (2,5 mili) ad uźbiarežža Francyi i stvaryŭ efiekt «ahniavoha šara».
Heta siomy vypadak u historyi, kali «pavietrany vybuch» zmahli pradkazać. Pierad hetym padobnaja źjava nazirałasia ŭ listapadzie minułaha hoda, kali ŭ niebie nad Antarya, Kanada, asteroid uvajšoŭ u atmaśfieru Ziamli.