Žychar Baranavičaŭ źbiŭ mierkavanaha supiernika mašynaj, a paśla zrabiŭ sabie «charakiry»
Abodva zastalisia žyvyja. Na 46-hadovaha «Ateła» zaviali kryminalnuju spravu.
Abodva zastalisia žyvyja. Na 46-hadovaha «Ateła» zaviali kryminalnuju spravu.
U prakuratury Baranavičaŭ paviedamili: mužčyna padazrajecca ŭ tym, što ŭviečary 9 listapada jon pryraŭnavaŭ svaju žonku da 34-hadovaha haradžanina, sieŭ za rul svajho BMW i pasprabavaŭ najechać na supiernika prosta kala jaho doma.
Voś tolki zamiest mierkavanaha kachanaha žonki tempieramientny muž źbiŭ jaho stryječnaha 38-hadovaha brata. Uśviadomiŭšy, što narabiŭ, raŭniviec, nie vychodziačy z mašyny, nanios sabie niekalki ŭdaraŭ nažom u žyvot. «Chutkuju» dla paciarpiełych vyklikaŭ «hieroj-paluboŭnik». Brat ź pierałomam nohi, a muž kachanaj — z pranikalnym nažavym ranieńniem brušyny, trapili ŭ haradskuju balnicu.
Za zamach na zabojstva ŭ dačynieńni da baranavickaha «Ateły» prakuraturaj h. Baranavičy 12 listapada raspačała kryminalnuju spravu.