Aficyjny ŭzrovień biespracoŭja ŭ Minsku — 0,4 %
Aficyjny ŭzrovień biespracoŭja ŭ Minsku na 1 listapada skłaŭ 0,4% ekanamična aktyŭnaha nasielnictva. Za kastryčnik hety pakazčyk źmienšyŭsia na 0,1%.
Jak paviedamili va ŭpraŭleńni zaniataści kamiteta pa pracy, zaniataści i sacyjalnaj abaronie Minharvykankama, u słužbach zaniataści na 1 listapada było zarehistravana 4.769 biespracoŭnych. U studzieni—kastryčniku pa sadziejničańnie ŭ pracaŭładkavańni źviarnułasia 30.329 čałaviek. Na pastajannuju ci časovuju pracu pracaŭładkavana 15.953 čałavieki, ź ich 6.041 zarehistravany biespracoŭny atrymaŭ pastajannuju pracu.
Na časovuju pracu ŭ volny ad vučoby čas pracaŭładkavana 8.467 čałaviek. Na prafiesijnuju padrychtoŭku, pierapadrychtoŭku i pavyšeńnie kvalifikacyi nakiravana 2.230 biespracoŭnych. U hramadskich rabotach uziali ŭdzieł 4.388 čałaviek, u tym liku 2.573 biespracoŭnych.
Kolkaść vakansij na pradpryjemstvach horada na 1 listapada skłała 13.536, u tym liku dla rabočych — 9.742.
Siaredni pamier dapamohi pa biespracoŭi ŭ kastryčniku składaŭ 36,4 tys. rubloŭ.
Najbolš zapatrabavanymi śpiecyjalistami ŭ stalicy źjaŭlajucca elektryki‑elektramanciory, hruzčyki, prybiralščyki, miedycynskija siostry, sanitary, lekary‑terapieŭty, milicyjaniery, vadzicieli aŭtobusa, bietonščyki, mulary, vychavalniki, kanduktary, kraŭcy‑švački, aficyjanty, načalniki adździełaŭ.